Xəbərlər‎ > ‎

Şəki Bələdiyyəsinin kollektivi 20 Yanvar faciəsinin 24-cü ildönümünə həsr olunmuş tədbirdə iştirak ediblər.

20 Oca 2014 07:19 tarihinde Murad Nabibekov tarafından yayınlandı   [ 20 Oca 2014 23:36 güncellendi ]
Bu gün - yanvarın 20-də səhər saatlarından başlayaraq Şəki şəhər rəhbərliyi, idarə və müəssisələrin kollektivləri ilə yanaşı, minlərlə şəhər sakini, eləcə də Şəki bələdiyyəsinin kollektivi torpaqlarımız, istiqlaliyyətimiz, müstəqilliyimiz uğrunda canlarını qurban verən şəhidlərimizi yad etmək üçün Şəhidlər xiyabanına gəlib Vətənimiz uğrunda canından keçmiş həmvətənlərimizi yad etmişlər.


Anım mərasimində çıxış edən rəsmilər 1990-cı ildə baş verən bu hadisələrin xalqımızın hüzn günü ilə yanaşı, qürur günü olduğunu bildiriblər. Çünki bu gündə şəhid olan insanlar vətənin müstəqilliyi yolunda canlarından keçiblər. Onların xatirəsi daim qəlblərdə yaşayacaq.
Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş 1990-cı il yanvarın 20-də ölkəmizə qarşı ərazi iddiaları irəli sürən Ermənistanın təcavüzkar hərəkətlərindən və keçmiş SSRİ rəhbərliyinin onlara havadarlığından hiddətlənən, Bakının küçələrinə və meydanlarına çıxaraq buna öz qəti etirazını bildirən geniş xalq kütlələrinə qarşı Sovet ordusunun döyüş hissələrinin yeridilməsi Azərbaycanda misli görünməmiş faciəyə gətirib çıxardı. Həmin faciəli günlərdə öz ölkəsinin, xalqının azadlığını, şərəf və ləyaqətini hər şeydən uca tutan mərd Vətən övladları canlarından keçərək şəhidlik zirvəsinə ucaldılar.

Böyük itkilərlə, günahsız insanların qətli ilə nəticələnən 20 Yanvar faciəsi Qorbaçov başda olmaqla, cinayətkar imperiya rəhbərliyinin Azərbaycana qarşı xəyanətkar siyasətinə dözməyən, öz azadlığına, müstəqilliyinə can atan xalqımızın mübarizliyini, əyilməzliyini, məğrurluğunu bir daha nümayiş etdirdi.

1990-cı il yanvarın 19-dan 20-nə keçən gecə, əvvəlcədən fövqəladə vəziyyət elan edilmədən, Sovet ordusu Azərbaycana qarşı hərbi əməlliyatlara başladı. Faciə zamanı 137 insan öldürüldü, 744 adam ağır xəsarət aldı, 841 nəfər isə qanunsuz olaraq həbs edildi. Sovet ordusunun əməliyyatları nəticəsində 200 mənzil, ev, şəxsi və dövlət əmlakı dağıldı.

Məhz bunun nəticəsində uzun illərdən bəri arzusunda olduğumuz müstəqilliyə qovuşduq və ölkəmiz suverenlik əldə etdi. Bu qanlı hadisələrdən illər keçsə də, xalqımız o müdhiş gecəni daim xatırlayır, bu faciəni törədənlərə öz dərin nifrətini bildirir. Xalqımızın qan yaddaşında əbədi yaşayacaq 20 Yanvar faciəsi respublikamızda hər il Ümumxalq Hüzn Günü kimi geniş qeyd edilir.